Інфармацыя аб дзейнасці музея“Спадчына”;

дзяржаўнай ўстановы адукацыі

“Суботніцкая сярэдняя школа”

Назва музея: “Спадчына”;

Назва ўстановы адукацыі: дзяржаўная ўстанова адукацыі “Суботніцкая сярэдняя школа”;

Адрас музея: 231341 Гродзенская вобл.

Іўеўскі раён,

аг. Суботнікі

вул. Садовая,11;

Профіль (у адпаведнасці з Кодэксам): гісторыка-краязнаўчы;

Дата прысваення музею статусу «народны»; –

Кароткая характарыстыка музейных фондаў

Колькасць асноўнага і навукова-дапаможнага фонду складае - 114 экспанатаў.

Музейны фонд складаецца з наступных калекцый:

• прадметы побыту і этнаграфіі;
• дэкаратыўна-прыкладное мастацтва;
• дакументы;
• фотадакументы;
• адзенне.

        Калекцыя вышываных ручнікоў і ткацкіх вырабаў: абрусаў, посцілак - уражвае разнастайнасцю ўзораў і арнаментаў. Дэталі ткацкага станка, матавіла, пралка - маўклівыя сведкі мінуўшчыны. Асобае месца адведзена калекцыі прылад сялянскай працы, побытавым рэчам.

Фонды музейнага пакоя актыўна выкарыстоўваюцца класнымі кіраўнікамі, арганізатарамі пазакласнай работы для правядзення мерапрыемстваў, экскурсій.

Работа музея арганізавана згодна з канцэпцыяй “Музей як рэсурс даследчай і праектнай працы ў школе”. Яркім прыкладам можа служыць работа даследчага характару “Вясельныя караваі вёскі Дабраўляны”, а таксама сабраны матэрыял для напісання даследчай працы “Дабраўлянская цэгла”.

Музей прапануе наведальнікам наступныя экскурсіі:

Аглядныя:

- “Знаёмства з музеем”

- “Сялянскі побыт”

- “Гісторыя прадметаў побыту СССР”

- “Запрашаем у Суботнікі!”

Тэматычныя:

- “Краіна Піянерыя”

- “Назад у мінулае”

Найбольш каштоўнымі музейнымі прадметамі з'яўляюцца:

цымбалы (ручная работа); калаўрот; прас на вуглях;  гусеніца ад танкеткі часоў ВАв.

Экспазіцыі музея

Экспазіцыя "Побыт сялян. Беларуская хатка"

Сабрала ў сябе прадметы побыту сялян беларусаў, вырабленыя з розных матэрыялаў сваімі рукамі: ткацтва, вышыўка, ганчарства, пляценне з каранёў і г.д.; прылады працы з дрэва, жалеза.

Экспазіцыя "Назад у мінулае"

Новая экспазіцыя "Назад у мінулае" зусім нядаўна з'явілася ў музеі. Яна складаецца з розных рэчаў, звязаных з перыядам СССР. Сярод выстаўленых прадметаў, сабраных з розных крыніц: радыёлы, тэлевізар, падліковая тэхніка, бытавыя прыборы і прыстасаванні, кнігі, часопісы, адзенне, мэбля…

Экспазіцыя "Гісторыя 24-ай Самара-Ульянаўскай жалезнай дывізіі"

У кабінеце гісторый ёсць экспазіцыя, прысвечаная героям ВАв.

Яна ўключае ў сябе папкі з перапіскай, фотаматэрыялы, якія прадстаўлены на стэндах:

1.Камандзіры дывізіі;

2.Ветэраны дывізіі;

3.Салдаты дывізіі.

Папкі-перадзвіжкі “Генацыд у гады Вялікай Айчыннай вайны”

На стэлажах выстаўлены ваенныя трафеі, сабраныя з месца баёў каля аг. Суботнікі: каскі, кацялок, пляшка, гільзы ад патронаў і снарадаў, і інш.